LeBron naglantaw og bag-ong kontrata sa Lakers
CEBU, Philippines — Si LeBron James nakahukom nga mogawas gikan sa katapusang tuig sa buhi niyang kontrata uban sa Los Angeles Lakers.
Ang four-time NBA champion gikatakda untang modawat og $51.4 million sa sunod nga season.
Gisalikway kini ni James aron mamahimong usa ka free agent, sigun sa taho sa ESPN ug The Athletic.
Apan gituyo kini ni James aron siya makakuha og bag-ong kasabotan uban sa Lakers sa tinguha nga makauban og duwa ang anak niyang si Bronny.
Ang 19-anyos nga si Bronny gibira nga No.55 pick sa Lakers sa NBA Draft niadtong Sabado.
Kog ugaling maplastada na ang tanan, si LeBron ug si Bronny mamahimong labing unang amahan ug anak nga nagkauban og duwa sa usa ka team sa kasaysayan sa NBA.
Si Bronny mosul-ot og jersey No.9 ug "James Jr." sa luyong bahin sa iyang uniporme.
- Latest
