OKC Thunder dumalawa sa Pelicans

OKLAHOMA CITY — Ku­mabig si Shai Gilgeous-Alexander ng 33 points pa­ra muling gabayan ang Thunder sa 124-92 demo­lisyon sa New Orleans Pe­­­licans sa Game Two at itarak ang 2-0 lead sa ka­nilang first-round Western Conference playoff series.

Humakot si 7-foot-2 Chet Holmgren ng 26 points at 7 rebounds, habang may 21 markers si Ja­len Williams para sa Oklahoma City na kumonekta ng kabuuang 14 three-point shots.

Pinamunuan ni Jonas Va­lanciunas ang New Or­leans sa kanyang 19 points kasunod ang tig-18 mar­kers nina Herb Jones at Brandon Ingram.

Nakahugot ang Thunder ng 22 points mula sa 18 turnovers ng Pelicans na muling naglaro na wala si top scorer Zion Williamson (strained left hamstring).

Kinuha ng Oklahoma Ci­ty ang 63-50 halftime lead sa likod ng 20 points ni Holmgren at 16 markers ni Gilgeous-Alexander.

Lalo pa itong lumobo sa 92-74 sa pagtatapos ng third quarter hanggang tuluyan nang ibaon ang New Orleans sa 120-86 sa fourth period.

Sa Boston, bumanat si Tyler Herro ng 24 points kasama ang anim sa kabu­uang 23 three-pointers ng Miami Heat para resbakan ang Celtics, 111-101, sa Game Two ng kanilang Eas­tern Conference first-round playoff series.

Itinabla ng Miami sa 1-1 ang kanilang duwelo ng Boston.

Nagdagdag si Bam Ade­­bayo ng 21 points.