Jerusalem
Sa wakas, finally and at last, may world champion ulit tayo sa professional boxing.
At kakaiba ang pangalan — Melvin Jerusalem.
Yes, Jerusalem. Holy Land. At ang kagandahan pa, Easter Sunday niya nakuha ang korona.
Tinalo ni Jerusalem si Yudai Shigeoka ng Japan via split decision kahit dalawang beses (third at eighth rounds) niya pinabagsak ang dating WBC minimumweight champion (104 lbs).
Pero bumangon si Shigeoka at tumagal pa ng 12 rounds. Kaya naman sa scorecards, natapos na dikit — 114-112 sa dalawa at 114-113 sa deciding card.
Ganun kadikit.
But in the end, pangalan ni Jerusalem ang na-declare the “NEW” WBC minimumweight champion.
Very happy ang kanyang manager na si JC Manangquil ng Sanman Promotions. Natural, ang target is ma-defend ang titulo or makalaban sa mga unification fights.
Si Jerusalem ang kaisa-isang world champion natin ngayon. One and only kaya magdasal tayo na magtagal at madagdagan pa.
“Dedicated ito sa Pilipinas kasi wala tayong world champion,” sabi ni Jerusalem kahapon.
Close fight at hanggang sa huli, walang nakasiguro.
Dehins tayo nagoyo sa Nagoya.
- Latest
