Overweight

Masama na kutob ko nung pinahubad pati ang briefs ni Jerwin Ancajas sa harap ng timbangan sa Tokyo Dome Hotel.

Sabi ko sa katabi ko, “May problema sa timbang.”

Ganun nga. Bagama’t pumasok siya sa bantamweight limit na 118 pounds sa timbang na 117 3/4, napiga si Ancajas.

Ganun din si Takuma Inoue (117 3/4) pero baka natural weight niya ‘yun. Kaya sa laban, nag-struggle si Ancajas.

At nung tamaan ng solid sa sikmura, tumba ang bata natin. Sinubukan niyang bumangon pero dehins niya kinaya.

Nag-shutdown daw ang buong katawan niya. Hindi siya makahinga. First time daw niya nakaramdam ng ganun.

Knocked out si Ancajas sa ninth round.

Ang totoo, five pounds overweight siya nung Friday morning kaya nag-ubos ng pawis, dura at ihi para tumimbang ng 1 p.m.

After the fight, pinapasok niya kami sa dressing room. Tahimik. Akala mo, may namatayan.

Nagsalita ang promoter niya, si Sean Gibbons, at trainer na si Joven Jimenez. Then si Ancajas. Anya, bagsak ang moral niya at dehins niya alam kung paano pa niya ibabalik ang self-confidence.

Para daw siyang pinaglaruan sa taas ng ring. Alam mong masama ang loob.

Makabangon pa kaya si Ancajas?

Kaya mo yan, champ!