Clippers dinagit ng Pelicans
LOS ANGELES — Iniskor ni C.J. McCollum ang 13 sa kanyang 25 points sa fourth quarter habang nagtala si Zion Williamson ng 21 points at 10 assists sa 117-105 pagdagit ng New Orleans Pelicans sa Clippers.
Tumipa si Brandon Ingram ng 15 points at 8 rebounds para sa ikaapat na dikit na panalo ng New Orleans (30-21) para sa kanilang longest winning streak sa season.
Binanderahan ni James Harden ang Los Angeles sa kanyang 19 points kasunod ang 18 markers ni Norman Powell.
Tinapos ng Pelicans ang four-game winning streak ng Clippers na nakahugot kay Kawhi Leonard ng 15 points at may 7 markers si Paul George.
Ang pang-limang three-point shot ni McCollum sa 5:15 minuto ng fourth period ang nagbigay sa New Orleans ng 105-89 abante na hindi na napababa ng Los Angeles.
Sa Miami, nagposte si Jimmy Butler ng triple-double na 17 points, 11 rebounds at 11 assists at may 24 markers si Tyler Herro sa 116-104 pagdaig ng Heat (28-24) sa San Antonio Spurs (10-41).
Sa Boston, kumana si Kristaps Porzingis ng 31 points at may 21 markers si Derrick White sa 125-117 paggupo ng Celtics (39-12) sa Atlanta Hawks (22-29).
Sa Sacramento, nagpaputok si Jaden Ivey ng career-high 37 points sa 133-120 panalo ng Detroit Pistons (7-43) sa Kings (29-21).
- Latest
