Latvia reyna ng World Beach Pro Tour Challenge
MANILA, Philippines — Nasungkit nina Tina Graudina at Anastasija Samoilova ng Latvia ang korona sa women’s division ng Volleyball World Beach Pro Tour Challenge kahapon sa Nuvali Sand Courts sa Sta. Rosa City.
Pinataob ng Latvian tandem sina Daniela Alvarez Mendoza at Tania Moreno Matveeva ng Spain, 21-14, 21-18, para makopo ang korona.
“We’re very happy that we’ve become even more solid as a pair, although we needed to make some adjustments in both sets,” ani Graudina.
Nakakuha ng lakas sina Graudina at Samoilova sa crowd na todo ang suporta sa kanila upang mabilis na makuha ang panalo.
“While playing, it’s all adrenalin, but before and after each match, I feel bothered,” ani Graudina na nagtamo pa ng maliit na sugat sa mukha sa quarterfinals.
Nagtala si Graudina ng 18 puntos mula sa 12 hits, apat na blocks at dalawang aces habang naglista naman si Samoilova ng 13 digs at 12 attacks.
Sunod na sasabak ang Latvian duo sa final leg ng World Tour na idaraos sa Doha, Qatar.
“I wish we could stay longer, I know that the Philippines has so many beaches … maybe next time,” ani Graudina.
Tinalo nina Graudina at Samoilova sina Terese Cannon at Megan Kraft ng Amerika sa quarterfinals, 21-19, 21-18, gayundin sina Taina Silvi Bigi at Victoria Lopes Pereira Tosta ng Brazil sa semifinals, 21-18, 21-17.
- Latest
