Heat culture nakita sa Game 2 ng NBA Finals
MIAMI — Ordinaryo na para sa Heat ang makabangon mula sa isang double-digit deficit at manalo.
May 7-6 record sila sa mga ganitong laro habang ang iba pang NBA teams ay may pinagsamang 6-59.
“Biggest thing for us, we had the will and we had the belief,” sabi ni Miami center Bam Adebayo. “And we keep finding ways to win.”
Nakita na ito ng Milwaukee Bucks sa first round, naranasan na ito ng New York Knicks sa semifinals at napanood na ito ng Boston Celtics sa Eastern Conference finals.
At ngayon ay ang Denver Nuggets sa Game Two ng NBA Finals.
Bumalikwas ang Heat mula sa 15-point deficit para igupo ang top-seeded na Bucks sa Game Four at nakabawi buhat sa 16-point hole para angkinin ang Game Five.
Ginawa rin nila ito laban sa Knicks sa Game Six at kontra sa Celtics sa Game Two — at ngayon ay sa kanilang 15-point comeback sa Game Two para tumabla sa Nuggets sa 1-1 sa NBA Finals.
Bumangon ang Miami mula sa 35-50- pagkakabaon sa gitna ng second quarter bago umiskor ng 76 points sa second half kumpara sa 58 markers ng Denver.
Dadalhin ang serye sa homecourt ng Heat para sa Game Three bukas ng umaga (Manila time).
- Latest
