Human ni Folayang, si Belingon na sab
CEBU, Philippines — Unsa may nahitabo sa sikat nga inilang stable sa mixed martial arts Team Lakay sa Baguio nga nagulhos-ulhos man og pamiya ang ilang mga sinaligang world champions?
Niadtong nakalabay nga adlaw, nibiya sa ilang stable si kanhi ONE Lightweight World Champion Eduard Folayang.
Kagahapong adlawa, nasundan kini og lain nilang nahimong world champion, kini mao si Kevin Belingon. Si Belingon kanhi ONE bantamweight champion nga mas milanog ang pangalan sa dihang iyang gipildi pinaagi sa Team Lakay signature spinning back kick ang American MMA bantamweight artist nga si Andrew Leone , upat ka tuig na ang nakalabay.
Si Belingon mipahibalo sa iyang pagbiya sa Team Lakay niadtong Sabado sa buntag uban sa pagpaabot sa iyang dakong pasalamat kang Team Lakay head coach Mark Sangiao.
"Coach, thank you for everything and for understanding my need for growth. With whole sincerity, I wish you all the best in life," matud pang Belingon.
Si Belingon gustong mokulit sa iyang pangalan nga wala sa Team Lakay bisan kini duna nay edad.
Matud pa niya, aktibo pa gihapon siyang atleta sa ONE Championship.
"Leaving the team makes me emotional because it has been my home for the last 16 years. But, at the same time I look forward for what lies ahead. Fresh start," sumala pa niya.
"My decision to leave the team comes only from my own personal desire to cultivate my skills. Since I'm STILL an active ONE Championship athlete," puno pa niini.
Sama kang Folayang, si Belingon kansang edad nagkataas na nakasinati og sagunson nga lima ka mga pildi sa nangagi nilang mga sangka. Kahi-numdoman nga niadtong tuig 2018, sila si Belingon, Folayang, Pacio ug Kingad naghupot og mga ONE Cham-pionship belts sa nagkalain-laing dibisyon.
- Latest
