Gilas youth hulog sa 6th place sa FIBA Asia U18 tourney
MANILA, Philippines — Laglag sa sixth place ang Gilas Pilipinas Youth matapos yumukod sa Iran, 72-89, sa classification round ng 2022 FIBA Under-18 Asian Championship kahapon sa Azadi Basketball Hall sa Tehran.
Hindi na nakabangon ang mga Pinoy dribblers nang maiwanan sa halftime, 30-43, at lalo pang nabaon sa 27-point deficit, 39-66, sa dulo ng third quarter.
Binanderahan ni Fil-Aussie Mason Amos ang Gilas youth team sa kanyang 22 points tampok ang anim na three-point shots, habang nagtala si EJ Abadam ng 18 markers, 5 rebounds at 3 assists.
Nagdagdag si Kyle Gamber ng 9 points para sa tropa ni coach Josh Reyes.
Nauna nang winalis ng Gilas U18 squad ang tatlong laro sa Group C bago minalas sa Lebanon sa quarterfinals na naghulog sa kanila sa qualification phase.
Samantala sa battle for 7th, tinambakan ng Chinese Taipei ang Qatar, 93-71 habang naglalaban pa as of press time ang Japan at South Korea para sa kampeonato pati ang China at Lebanon para sa bronze medal.
- Latest
