Ginto ni De Los Santos pumalo na sa 23

MANILA, Philippines — Tuloy ang mainit na ratsada ni Orencio James De Los Santos matapos angkinin ang gintong medalya sa men’s seniors individual kata event ng Golden League Karate eTournament Series #3.

Sa katunayan, may iniindang karamdaman si De Los Santos.

Subalit hindi ito naging hadlang para ilabas ang kanyang world-class performance.

Nagresulta ito sa 25.7-24.3 matamis na panalo laban kay Alfredo Bustamante ng Amerika sa finals.

Ito ang ika-23 gintong medalya ni De Los Santos sa online tournaments.

“In the final round, I faces USA. I have to admit that  I was feeling under the weather during the finals, but I still performed and ended up winning my 23rd gold,” ani De Los Santos.

Nakapasok sa finals si De Los Santos matapos patumbahin si Domont Matias Moreno ng Switzerland sa semifinals (25.4-23.9).

Nakakuha ng bye ang Pinoy bet sa quarterfinals.

Para masigurong ligtas, sumailalim agad sa swab test si De Los Santos at masayang ibinalitang negatibo ito sa coronavirus disease (COVID-19).