Depensa ni Joshua sa Oktubre pa
CEBU, Philippines — Ang pagdepensa ni Anthony Joshua sa iyang heavyweight title dili mahitabo hangtod sa dili pa maabot ang bulan sa Oktubre.
Si Joshua manalipod sa iyang bakus batok ni Kubrat Pulev karon untang Hunyo 20 didto sa Tottenham Stadium sa London, England, apan napugos si promoter Eddie Hearn pagsibog niini gumikan sa kalibutanhong krisis panglawas.
Miangkon si Hearn nga dili mahitabo ang iyang giplano kay wala pa may nasayod sa pagka karon kon kanus-a na mabalik sa normal tanan ang sitwasyon.
"With everything going on and the fact we have no idea yet about when we will be allowed crowds, and what size crowds, it won't be the summer," matud pa ni Hearn ngadto sa Daily Mail.
"I think it will be in the window between October and December. Sooner would be better than later because we don't want it to be a year between fights."
Si Joshua wala na makaaway pa sukad iyang gipilde si Andy Ruiz Jr. aron angkunon og balik ang iyang WBA, IBF ug WBO titles didto sa Saudi Arabia niadtong Disyembre.
- Latest
