Kath Jumapao, konsehal sa Liloan, milampos sa una niyang marathon

CEBU, Philippines — Ang Sugbuanang multi-sport athlete nga si Kath Jumapao mihimo sa labing una niyang full marathon nga usa ka halandumon nga kasinatian human kini niya nahuman didto sa langyawng lapyahan.

Uban ang tumang kadasig taliwala sa mabugnawng panahon, ang 33-anyos nga si Jumapao milampos sa Los Angeles Marathon niadtong Domingo (Lunes, Marso 17 oras dinhi sa Pilipinas).

Kapin sa 26,000 ka runners gikan sa nagkadaiyang dapit sa kalibutan ang misalmot sa makutas nga lumba nga nagsugod didto sa Dodger Stadium ug nahuman sa Avenue of the Stars sa Century City.

"It feels great to finish my first marathon especially that I made it earlier than expected," matud pa ni Jumapao, nga mipatak og lima ka oras ug walo ka minuto pagtikang niyang sa finish line.

"The weather was cold. I felt heavy and sore on km30 but quitting is not an option," dugang pa sa konsehal sa Liloan nga kanhi basketball ug volleyball varsity player sa University of San Carlos (USC) sa dihang nagtungha pa sa siya sa kolehiyo.

Si Jumapao mipaambit nga nagsugod siya og dagan hangtud nga nagka-interes sa triathlon human sa iyang gradwasyon aron pagmintinar og maayong kondisyon sa panglawas.

"This is my own little way of encouraging everyone to live a healthier lifestyle. Being active gives us more happy reasons to live," dugang pa ni Jumapao, ngs ausa ka four-time Ironman triathlete.

  Karon, buot ni Jumapao nga isabwag ang iyang mga nakat-onan didto sa City of Angels alang sa kaayuhan sa paugnat sa kusog sa yuta niyang natawhan sa Liloan.

  "I want to bring more sports and active events in Cebu specifically in Liloan where I sit as councilor.

My experience in the LA Marathon was very relevant and educational since I hold the chairmanship in the committee of Sports and Tourism. I will take the learnings and inspiration back home," panapos pa ni Jumapao.