Sunsport Basketball Camp gikanselar

CEBU, Philippines — _{Sa labing unang higayon sud sa dul-an tulo ka dekada, walay Sunsport Basketball Training Camp ning tuiga.}

Si Sunsport manager Andrew Choachuy mipahibawo nga ilang gikanselar ang ika-27 untang season sa tinuig nilang summer clinic gumikan kay segun sa dagan sa panghitabo, daw dili pa mahunong ang krisis sa COVID-19 sa labing dali nga panahon.

"Thank you very much for your continuous support and understanding," mensahe pa ni Choachuy ngadto sa ilang mga kliyente. "Continue your daily practices but strictly at your own homes for the meantime to stay safe always!"

Midugang si Choachuy nga padayon hinuon gihapon silang motimbaya sa ilang mga sumusunod pinaagi sa pag-post ug pagpaambit sa mga video drills nilang coach Jojo Romarate Teves ug Jeff Codera aron mahimong produktibo ug mabungahon ang ilang pag-kwarantin.

Kadtong mga interesado, mahimong mosubay sa ilang Facebook page (Sunsport Basketball Training Camp) o mobisita sa http://www.sunsportball.com.