Hallasgo inilog sa SM2SM Run

CEBU, Philippines — Ang bag-ong marathon queen sa nasud ug Southeast Asian Games gold medalist nga si Christine Hallasgo mikompirmar sa iyang partisipasyon sa SM2SM Run 10 ugma sa buntag diha sa SM City Cebu.

Si Hallasgo nga bag-o lang usab misakmit og korona sa Milo Marathon National finals gipaabot nga mohawod  sa 21K half marathon.

Ang Cebuana ug kanhi marathon queen nga si Mary Joy Tabal nga kaduha na gipilde ni Hallasgo, dili modepensa sa iyang korona sa SM2Sm Run.

Mas gihatagan niya og panahon ang iyang preparasyon alang sa Tokyo Marathon sunod bulan.

Sa men's division,  si Jerald Zabala manalipod sab sa iyang trono isip 21K king.

Gawas sa 21K,  aduna sa'y 8K ug 4K categories nga mahimong daganan sa runners.