Filipino boxers dako og tsansa sa 2020 Olympics
CEBU, Philippines – Kompiyansa si Association of Boxing Alliances in the Philippines (ABAP) secretary general Ed Picson sa kahigayonan sa mga Pinoy boxers nga makaangkon og luna sa 2020 Tokyo Olympics.
Si Picson masaligon nga makakuha sila og sobra sa tulo ka luna sa Olympics ilabi na nga ang mosulod sa finals o midaog bisan silver hatagan dayon og luna.
Ang mga Pinoy boxers adunay duha ka kahigayonan nga moangkon og Olympics slot diin una niini mao ang Asia-Oceana qualifiers sunod bulan didto sa China.
Ang mga dili makadaog, mahimo pa nga mosalmot og laing Olympic qualifiers didto sa France.
"We have a better chance in this tournament. If we don’t qualify here, we will have a second chance in a world qualifying meet two months before the Olympics," matud ni Picson sa ABS-CBN Sports.
Ang mga mosuway pagsakmit og luna didto sa China naglakip nila ni Southeast Asian Games gold medalist Eumir Marcial, Neshty Petecio, Olympian Rogen Ladon, Carlo Paalam, Hergie Bacdayan ug Irish Magno.
- Latest
