Philippine volleyball teams magiging abala
MANILA, Philippines — Isasabak ng Larong Volleyball sa Pilipinas Inc. (LVPI) ang men’s at women’s national teams sa iba’t ibang international tournaments ngayong taon.
Maglalaro ang Philippine men’s volleyball team sa Asian Men’s Club Volleyball Championship sa Abril 18-25 sa Nakhon Ratchasima, Thailand.
Hinangaan ang mga Pinoy spikers nang angkinin ang silver medal sa nakaraang 30th Southeast Asian Games na pinamahalaan ng Pilipinas noong Nobyembre 30 hanggang Disyembre 11 ng nakaraang taon.
Ilalaban din ng LVPI ang men’s national squad sa AVC Cup sa Agosto 22-29 sa Nay Pyi Taw, Myanmar.
Samantala, sasabak naman ang national women’s team sa Asian Women’s Club Championship sa Tianjin, China sa Mayo 2-9 kasunod ang AVC Women’s Cup sa Hong Kong sa Agosto 24-30.
Nabigo ang mga Pinay na makapasok sa medal round ng 2019 SEA Games.
- Latest
