Slaughter wala pa'y klaro makaduwa sa Gilas
CEBU, Philippines — Wala pa'y seguro kon makaduwa ba uban sa Gilas Pilipinas si Greg Slaughter human makahiagum og injury sa tudlo atol sa team practice sa iyang koponan Barangay Ginebra niadtong Huwebes.
Si Slaughter wala miduwa sa Ginebra sa ilang sangka batok TNT KaTropa niadtong Biyernes.
Miangkon si Slaughter nga naglisud pa siya paglihok sa na-injured niyang kumagko
Ang 7-footer nga si Slaughter mao unta ang mangulo sa center position sa Gilas sa Southeast Asian Games isip back-up ni JuneMar Fajardo.
“We are still unsure how long Greg will be out,” matud ni Cone sa Spin.ph. “He dislocated his thumb. We are hoping it’s a few days but we can’t really tell."
Duha na lang duha ka semana sa dili pa ang SEA Games ug imposible na nga makasalmot pa si Slaughter sa team practice sa Gilas Pilipinas.
Kon hingpit nga matangtang sa line-up, si Slaughter ang ikaduhang PBA star nga miatras sa Gilas sunod ni Jayson Castro nakaangkon sab og injury sa tuhod.
- Latest
