Philippine boxers ambisyon mahimong overall champion sa SEA Games
CEBU, Philippines — Dili lang kutob sa paghakot og medalya, apan buot usab sa Philippine boxing team nga mabira ang overall championship sa boxing event sa Southeast Asian Games sa Nobiyembre 30 sa New Clark City.
Si Association of Boxing Alliances of the Philippines (ABAP) secretary general Ed Picson miingon nga taas ang kompiyansa sa koponan ilabi na sa nindot nga gipakita sa mga Pinoy boxers sa miaging World Championships didto sa Russia.
Mangulo sa Phl boxing team ang beteranong si Eumir Marcial, ang silver medalist sa World Championship. Uban kaniya mao sila si Charly Suarez, Rogen Ladon, Carlo Paalam ug John Marvin.
Adunay 13 ka gold medals ang gitagana sa boxing event ug gusto ni Picson nga maharos kini sa mga Pinoy.
Gitug-an ni Picson nga ang mga boksidor sa Thailand ug Vietnam ang higpit nga karibal sa mga Pinoy sa SEAG.
- Latest
