Walker, Lowry mangulo sa Team USA

CEBU, Philippines – Nangatras man tuod ang pipila ka mga NBA superstars  nga moduwa  sa Team USA  alang sa FIBA World Cup maisip gihapon sila nga lig-on nga koponan tungod sa presensiya sa mga star point guards nga sila si Kemba Walker ug Kyle Lowry.

Ginganlan na kagahapon ni USA coach Gregg Popovich ang national team pool nga manulong didto sa China sunod bulan. 

Sila si Lowry sa Toronto Raptors ug  Walker sa Boston moduwa uban nila ni Donovan Mitchell (Utah), Julius Randle (New Orleans), Kyle Kuzma (Lakers), Andre Drummond  (Detroit), Jaylen Brown ug Marcus Smart (Boston), Montrezl Harrell (Clippers),   Thaddeus Young ug Mason Plumlee (Denver).