Philippine boxing team misaad medalya sa SEAG

CEBU, Philippines – Misaad ang Philippine boxing team nga mohakot  og medalya atol sa Southeast Asian Games sa Nobiyembre nga ipahigayon dinhi  sa Pilipinas

Si Roel Velasco, ang head trainer sa national boxing team masaligon nga malabwan nila ang ilang performance sa miaging 2017 SEAG didto sa Malaysia diin nakakuha ra sila og duha ka golds, usa ka silver ug usa ka bronze.

Si Velasco miingon nga salmotan sa Philippine boxing team ang tanang dibisyon diin walo ka boksidor ang moaway sa men's ug lima sa women's division.

Aron maseguro nga makatampo og dako ang boxing team sa misyon sa nasudnong koponan nga mosulod sa top three sa overall standing, si Velasco mopadala sa mga beterano ug mga medalists nga   morepresentar sa nasud sa boxing event.

Kini naglakip nila ni Eumer Marcial, John Marvin ug Ian Clark Bautista.

Ang Fil-American nga si Marvin laraw nga motunol na sab og bulawan sa nasud sama sa iyang gibuhat niadtong tuig 2017.