Sunsport basketball camp magpadayon karong weekend

CEBU, Philippines – Bago pang mihaw-as gikan sa malampuson nilang clinic niadtong summer, ang Sunsport Basketball Training Camp magpadayon karong weekend diha sa Sacred Heart Center Sports Club.

Si camp director coach Jojo Romarate Teves nagkanayon nga ang serye sa ilang training ipahigayon matag Domingo lamang sugod karong Hulyo 7 gikan sa alas-10 sa buntag hangtod sa alas-12 sa udto. Ang nahibilin nilang mga iskedyul gikatakda sa Hulyo 14, 21 ug 28.

Abli sa mga batan-ong basketbolista nga nag-edad og siyete ngadto sa 19-anyos, si Romarate mipadayag nga ilang bairon og maayo ang abilidad sa ilang mga estudyante pinaagi sa pagtudlo kanila sa tanang aspeto sa duwang basketbol.

Ang registration nagkantidad og P1,200 apil na niini ang training jersey ug Sunsport basketball 2019 edition.

Alang sa dugang mga detalye,  mahimong mokontak ni coach Jojo (0922-5233968/0966-2690167) o sa buhatan sa Sunsport (345-1015).