CESAFI volleyball ipahigayon sa Mingla karong weekend
CEBU, Philippines — Masaksihan ang kulbahinam nga aksyon sa volleyball sa Cebu Schools Athletic Foundation, Inc. (CESAFI) Season 26 diha sa Minglanilla karong weekend. Ipahigayon karong adlawa (Sabado, Nobyembre 14) ang mga duwa sa Final Four sa boys’ ug girls’ divisions human sa alas 8:30 sa buntag sa pasiunang duwa tali sa University of San Carlos (USC) ug University of Cebu Lapu-Lapu and Mandaue (UCLM) sa women's catergory.
Sunod nga magsangka ang University of Southern Philippines Foundation (USPF) ug UCLM, samtang mag-atbang usab ang Sacred Heart School-Ateneo de Cebu (SHS-AdC) ug University of San Jose-Recoletos (USJ-R) sa laing semifinal match sa girls’ division. Magsugod sa ala 1:30 sa hapon ang kumbati sa semis sa boys’ division, diin magbugno ang USJ-R ug UC, samtang magpinaksitay ang USPF ug UCLM.
Ang mga mananaog moabante sa kampiyonato nga duwaon ugmang adlawa, Domingo, Nobyembre 15.
Ang mga tiket nagkantidad og P50 sa upper box ug P100 sa lower box alang sa mga estudyante, samtang P100 sa upper box ug P150 sa lower box alang sa publiko.
- Latest
