Thompson nangayo'g pasaylo sa ilang fans

CEBU, Philippines – Nangayo og pasaylo  ang guwardiya sa Golden State Warriors nga si Klay Thompson sa ilang fans human kini niya gibirahan gumikan sa kakulang nila og enerhiya atol sa ilang kaparotan ngadto sa Phoenix Suns didto mismo sa kaugalingon nilang korte.

Human makatilaw og 115-111 nga kapildihan niadtong Lunes didto sa Oakland, ang Warriors natagak ngadto sa 24-10 karong season didto sa Oracle Arena sa katapusan nilang kampanya sa maong binyu sa dili pa sila mobalhin sa bag-o nilang homecourt nga mao ang San Francisco Arena karong Septiyembre

Gumikan sa iyang mga komento, si Thompson  gisaway sa ilang fans hinungdan nga midangop siya sa Twitter sa tinguha nga hupayon kadtong mga balatian nga iyang napasakitan.