Manuel lalaro sa Mighty Sports

MANILA, Philippines — Isang araw matapos ihayag ang kanyang napa­kaagang pagreretiro sa PBA ay tinanggap ni guard Jett Manuel ang alok na maglaro para sa Mighty Sports sa 2019 Dubai International Basketball Championship sa Pebrero.

Ngunit isang part-time lamang ang pagsusuot ni Manuel, ang No. 12 overall pick ng Barangay Ginebra noong 2017 PBA Draft at pinapirma sa isang one-year contract, sa uniporme ng Mighty Sports.

Nagdesisyon ang 26-anyos na dating pambato ng UP Fighting Maroons sa UAAP noong Biyernes na tuluyan nang magretiro sa PBA para sa kanyang pamilya at gamitin ang pagiging isang lisensyadong Civil Engineer.