Pinoy jins sisipa sa Malaysia tourney
MANILA, Philippines — Dinadala ang uniporme ng SMART/MVP Sports Foundation, sasabak ang 17-man Philippine taekwondo team sa 2018 Asia Pacific Masters Games sa Setyembre 6-9 sa Penang, Malaysia.
Dalawang officials at 15 athletes ang bumubuo sa Philippine squad na lalabanan ang mga lahok mula sa 34 pang bansa sa dalawang events -- kyorugi (free sparring) at poomsae (forms).
Kabilang sa mga bigating makakaharap ng mga Pinoy jins ay ang mga lahok ng Korea, Chinese Taipei, Vietnam, Indonesia, Japan, Iran at China.
Si Raul Samson ang tatayong team head kasama si coach Carlos Jose Padilla. Ang mga lalaban sa Kyorugi ay sina Joseph Gadiana (-58 kg), Roderick Rivera (-58 kg), Jan Joseph Hernandez (-68 kg), Arnold Valenzuela (-80 kg) at Renan Desaluna (-80 kg).
Makikita naman sa Poomsae sina Jean Pierre Sabido, playing coach; Galilee Tinaya, Ernesto Guzman Jr., June Ninobla, Glenn Buenafe, Jerry Ysmael, Joel Lacsamana, Eulogio Rodriguez, Alileah Dulce Amor Perez at Vina Marie Ignacio-Rivera.
Ikinukunsidera ang mga Filipino fighters bilang mga top performers sa prestihiyosong international competitions dahil sa kanilang year-round training at preparations sa likod ng Philippine Taekwondo Association.
- Latest
