Cebu Blue Marlins nanghawod sa 4th Sandugo Swimfest
CEBU, Philippines – Mihakot na sab og dungog ang Cebu Blue Marlins (CBM) human ilang gidominar ang 4th Sandugo Competitive and Novice Swimfest sa miaging adlaw didto sa Victoriano Tirol Aqua Complex sa Tagbilaran City, Bohol.
Ang Sugboanong swimmers mihakot og 68 ka gold, 13 silver ug 53 bronze medals.
Gawas sa overall championship, ang CBM misakmit usab og "most outstanding swimmer" awards sa tagsa-tagsa nila ka dibisyon. Si CBM coach Rolando Alvarez miingon nga mas daghan pa unta ilang masakmit nga medalya kon wala pa lang pamub-i sa organizers ang torneyo tungod sa kakuwang sa oras.
Si Karen Mae Indaya sa University of Cebu maoy nanghawod sa 18-under class, samtang si Quintin Zee Sabalande sa City Central School ang naghari sa 9-10 division.
Laing duha ka pambato sa City Central School nga sila si Brianna Pahayahay ug Rain Abella mao ang gibayaw isip top performers sa 9-10 category, samtang ang pambato sa Holy Seed Christian School nga si Ashley Anya Asibal misidlak sa 6-under action.
- Latest
