Cebuana weightlifter sidlak sa Asian C'ship
CEBU, Philippines — Ang Cebuana lifter nga si Elreen Ann Ando usa karon sa mga paglaum sa Pilipinas sa Olympic human mikabkab og duha ka silver medals ug usa ka bronze sa 2018 Asian Youth and Junior Weightlifting Championships didto sa Urgench, Uzbekistan.
Ang produkto sa University of Cebu (UC) midaog og silver sa women’s 63 kgs. class. Miaswat siya og 87 kgs. sa snatch ug 110 kgs. sa clean and jerk category nga alang sa ikaduha niyang silver. Midaog sab siya og bronze sa snatch.
Bisan og wala siya kamina og gold, maisip nga dakong kalampusan kini alang ni Ando tungod kay ang maong kompetisyon gisalmotan sa mga elite youth lifters sa Asya.
Mismo ang kanhi Olympian nga si Ramon Solis nga miuban sa Philippine Team didto sa Uzbekistan ang mihulagway ni Ando nga usa unya sa mga umaabot nga pambato sa nasud sa Olympics. (BANAT NEWS)
- Latest
