Title defense ni Folayang gitakda sa abril 21 sa Mall of Asia

CEBU, Philippines - Gitakda na sa Abril 21 ang title defense ni One Championship world lightweight champion nga si Eduard ‘Landslide’ Folayang ug iyang sangkaon ang Malaysian knockout artist nga si Ev Ting didto sa Mall of Asia Arena.

Mao kini ang unang pagdepensa ni Folayang sa bakus nga iyang nakuha human sa iyang impresibong knockout nga kadaugan batok ni kanhi Japanese champion ug mixed martial arts legend  Shinya Aoki niadtong Nobiyembre didto sa Singapore.

Si Folayang (17-5), gusto nga mapanalipdan iyang bakus pinaagi sa knockout o submission batok ni Ting (13-3) ilabi na nga kini ang pagbalik niya og duwa sa iyang nasud sukad niadtong tuig 2015.