Dula, 2 pa nanguna sa pagwasak ng record
MANILA, Philippines - Pinangunahan nina Marc Bryan Dula, Lee Grant Cabral at Elle Allavy-Chafi ang mga record-breakers sa Philippine Swimming League (PSL) 108th National Series Motivational Swimming Meet na ginanap sa Avila Swimming Pool sa Magtanong, Abucay.
Sariwa pa sa pagtanggap ng Tony Siddayao award sa PSA Annual Awards Night noong Lunes, agad na nagpakitang gilas si Dula nang bumira ito ng 15.45 segundo sa 25m butterfly upang wasakin ang dating marka ni Rizalino Cortez.
Nagparamdam din ng lakas sina Cabral at Allavy Chafi na parehong pambato ng Diliman Preparatory School nang basagin nila ang rekord sa boys’ 25m butterfly (15.49) at girls’ 25m butterfly (17.00), ayon sa pagkakasunod.
Ang iba pang gold medalists ay sina Georgie Hombre, Alister Archer Corpuz (7); Micaela Dula, Jenn Sermonia (8); Triza Tabamo (9); Kyla Laguna, Jan Karylle Sarmiento (11); Sheryl Abril, Kyla Belleza (12); Katrina Coronel, Paula Carmela Cusing (13); Geoel Agcaracar (14);at Frances Chia (15) sa girls.
Wagi sa boys’ class sina Jude Gapultos (6); Samuel Leal (7); Master Charles Janda (8); Shan Kervie Medina, Euie Vaugn Agustin (9); Karl Kervee Pastoril, Charles Chia, Joshua Santiago (11); Albert Sermonia II (12); Asejah Mckiro Agbanlog, Christian Matthew Evalla(13); Antonie McKen Agbanlog (14) at Paul Christian Cusing (15).
Nagpapasalamat si PSL president Susan Papa sa team host na Avila Swim Academy (ASA) na pinamumunuan ni team manager Marilet Basa at head coach Louie Martin Cesdoiro.
“Also PSL appreciates the swimming pool venue owners Mr. Ruben and Mrs. Clarita Santos for making the home of PSL in Bataan. In addition, PSL thanked Finis for being part of the leg series,” pahayag ni Papa.
- Latest
