Top V may paglaum pa
CEBU, Philippines - Buhi pa ang paglaum sa Top V alang sa kampiyonato dihang ilang gipakuratan ang “twice-to-beat” Luke Genesis sa semifinals sa LABA President’s Cup 2016 Second Conference niadtong Lunes didto sa Barangay Banilad gym, Mandaue City.
Dili basta-basta ang kadaugan sa Top V kay ila pa gani kining gilubong sa iskor nga 101-86.
Wala kapugngi ang kainit ni Alexam Amaga, kinsa miburak og 20 puntos aron pangulohan ang Top V, samtang si Ramie Suson mao sab ang nangu sa Luke Genesis sa iyang 26 puntos.
Biya pirme ang Top V sa unang duha ka kuwarter, apan takulahaw lang nausab ang dagan sa duwa dihang milusad sila og trapping defense inubanan ang paspas nga ataki aron makabaton og 69-61 nga bentaha sa third period ug wala na makarekober pa ang Luke Genesis sukad niadto.
Ang tagakay himuon karong Biyernes sa alas-7 sa gabii diin ang modaog maoy makaangkon og katungod nga moharong sa New Millennium Hardware ni Gil Gollon nga unang miabante sa finals human gipilde ang Monterroyo/Co-Jordan, 92-83.
Si Canjo Echavez miariya og 22 puntos alang sa New Millennium Hardware nga maoy midiktar sa kinatibuk-ang duwa.Nangu sa Monterroyo/Co-Jordan si Michael Tañan nga mipatuasik og 18 puntos.
Ang liga nga ubos sa pagtugot ni LABA presidente Gilbert Sebandal, gipadagan ni commissioner Albert ‘Obeth’ Ramos inabagan nilang Willy Medillo ug Lloyd Chavez.
Puntos matag usa
Unang duwa:
MILLENNIUM Hardware (92) – Echavez 22, Grafe 18, Ocier 12, Pacquiao 7, Chavez 6, Cinco 6, Rogado 5, Ornopia 5, Ranile 4, Asis 3, Duhaylungsod 2, Incorporado 1.
MONTERROYO (83) – Tañan 18, Jordan 10, Bathan 10, Ecot 8, Ramos 8, Mendoza 8, Monterroyo 6, Caballero 4, Cabucos 3, Gastardo 3, Paciencia 2.
Ikaduhang duwa:
TOP V (101) – Amaga 20, Pacquiao 16, Estremos 15, Bamba 12, Sicad 10, Arreglo 6, R. Suico 4, Cañete 4, Ceniza 3, D. Suico 2, Dunque 2, Villalon 2, Mauro 2, Cinco 2.
LUKE GENESIS (86) – Suson 26, Lawas 14, Acusar 12, V. Herbieto 8, Barba 6, Cinco 4, Jacalan 4, Federez 3, Gersamio 3, Bartin 2, Alcontin 2, T. Herbieto 2. (BANAT NEWS)
- Latest
