Danasan 60 ultramarathon gitakda sa Hunyo 12

CEBU, Philippines - Masukod na usab ang abilidad sa mga Cebuano long distance runners sa ipahigayong Danasan60 Ultramarathon karong Hunyo 12 nga manukad sa The Boardwalk ug matapos sa Danasan Eco Adventure Park sa Danao City.

Ang makutas nga lumba adunay  gitas-on nga 60 kilometros diin ang mga runners gihatagan og 13 ka oras nga cut-off time. Ang mga organizers mibutang usab og 30K division alang sa mga ultra racers nga wala pa sa elite level.

Ang tanang finishers sa 60K makadawat og specially-designed medal, shirt ug plaque, samtang ang 30K finishers makaangkon og medalya ug fnisher's kit.

Ang entry fee nagkantidad og P1,300 sa 60K ug P700 sa 30K. Padayon pa ang pagpangrehistro didto sa  Danasan Eco Adventure Park office sa Parkmall, Water Elixer Danao Inc, New Balance sa Ayala Center Cebu ug Planet Sports sa Pueblo Verde sa Basak, Lapu-Lapu City. (BANAT NEWS)