3-sunod na BPC kay Fajardo
MANILA, Philippines – Kagaya ng dapat asahan, hinirang si June Mar Fajardo ng San Miguel bilang Best Player of the Conference ng 2016 PBA Philippne Cup kahapon sa Philsports Arena sa Pasig City.
Gumawa ng kasaysayan ang back-to-back PBA Most Valuable Player ng maging unang cager na kinilalang BPC ng All-Filipino Cup sa ikatlong sunod na taon.
Ito ang ikaapat na BPC award ni Fajardo sa nakaraang pitong PBA conferences.
Nagposte ang 6-foot-10 na si Fajardo ng mga average league-highs na 26 points, 14.9 rebounds, at 2.2 blocks per game para talunin sa BPC trophy sina Greg Slaughter ng Barangay Ginebra, Sean Anthony at Asi Taulava ng NLEX at Barako Bull forward Willie Wilson.
Kumolekta si Fajardo ng 1,407 points mula sa statistics, media votes, players votes at PBA Office kasunod sina Slaughter (803), Taulava (496), Anthony (473) at Wilson (449).
“Siyempre happy ako kasi ako yung nanalo,” wika ng 26-anyos na Cebuano superstar. “Another achievement ito para sa akin.” (RC)
- Latest
