UV, SHS-ATENEO nangapilde pagsugod sa best SBP Passerelle Tourney

CEBU, Philippines – Dili maayong sinugatan ang nadawat sa Cebuano teams -- University of the Visayas (UV) ug sa Sacred Heart School-Ateneo de Cebu (SHS-AdC)  pagsugod sa BEST SBP Passerelle Twin Tournament Visayas Regional Finals nga gipaluyohan sa Milo didto sa University of  St. La Salle (USLS) Coliseum sa Bacolod City kagahapon.

Sa SBP, gipukan sa Ateneo de Iloilo (Ad-I) ang UV, 40-31, kinsa  nilabaw unta og 10 puntos,  12-2  sa first period.  Ang Ad-I mipahilum sa UV didto sa fourth quarter pinaagi sa ilang hugot nga depensa.

Si Ian Espinosa maoy nangu sa Ateneo sa iyang 16 puntos, samtang si Franc Gabunada maoy nangu sa UV sa iyang siyete puntos. 

Sa  Passerelle,   ang  Sun Yat Sen midaog sa SHS-Ateneo sa iskor nga 74-60. 

Ang Sun Yat Sen gipangulohan ni Joshua Lopez, kinsa mibahog og 20 puntos, unom niini ang three-pointers. 

Si Coco Tuadles maoy nangu sa SHS-AdC sa iyang  12 puntos.  (BANAT NEWS)