Beermen nilasing ang Batang Pier sa Davao
Laro Ngayon (Smart Araneta Coliseum)
3 p.m. Mahindravs Rain or Shine
5:15 p.m. Star vs Ginebra
MANILA, Philippines – Parang walang iniindang foot injury si June Mar Fajardo.
Humugot ang back-to-back PBA Most Valuable Player awardee ng pito sa kanyang 21 points sa fourth quarter, habang nagsalpak si Marcio Lassiter ng dalawang three-point shot para ihatid ang nagdedepensang San Miguel sa 97-86 panalo laban sa Globalport sa 2015 PBA Philippine Cup kagabi sa University of Southeastern Philippines gym sa Davao City.
Nagdagdag si Alex Cabagnot ng 19 points kasunod ang 11 ni Arwind Santos at tig-10 nina Lassiter at Gabby Espinas para sa 1-0 baraha ng Beermen.
Bilang nagtatanggol sa korona ay inasahan na ni coach Leo Austria na lahat ng koponan ay gusto silang talunin.
Mula sa 30-23 abante ng Batang Pier sa second period ay umarangkada ang Beermen para ilista ang 13-point lead, 47-34, sa huling 1:56 minuto nito.
Ipinoste ng San Miguel ang 88-74 kalamangan sa 4:54 minuto ng final canto hanggang makalapit ang Globalport sa 86-93 sa huling 40 segundo.
Samantala, sisimulan ng Barangay Ginebra at Mahindra ang kanilang kampanya sa pagsagupa sa Star at Rain or Shine.
Lalabanan ng Gin Kings ang Hotshots ngayong alas-5:15 ng hapon matapos ang bakbakan ng Elasto Painters at Enforcers sa alas-3 sa Smart Araneta Coliseum.
San Miguel 97- Fajardo 21, Cabagnot 19, Santos 11, Lassiter 10, Espinas 10, Lutz 9, Reyes 4, Heruela 3, Arana 3, De Ocampo 3, Ross 2, Tubid 2.
Globalport 86 - Pringle 20, Jensen 16, Yeo 13, Kramer 10, Maierhofer 6, Romeo 5, Uyloan 5, Washington 5, Mamaril 4, Taha 2, Pena 0.
Quarterscores: 20-26; 49-37; 71-58; 97-86.
- Latest
