CEBU, Philippines - May purohan pa ang Alaska Aces nga moabante sa playoffs sa PBA Commissioner’s Cup human sa ilang kadaugan batok sa Blackwater Elite, 82-68 kagabii didto sa Ynares Center.
Ang Aces midiga sa ilang 3-5 nga baraha ug miputol sa tulo ka nagkutay nilang pilde aron moduol sa ikawalong dapit sa standing.
Ang ilang import nga si Damion Jones nagbangis alang sa Alaska diin mipugnit kini og double-double pinaagi 29 puntos ug 22 rebounds. Wala gihapon kaduwa uban sa Aces ang ilang starting guard nga si JV Casio, apan misalida ang mihulip sa posisyon niini nga si rookie Chris Banchero, kinsa mitampo og 12 puntos.
Naglabaw ang Alaska, 41-33 sa halftime, apan miburot kini sa final period sa iskor nga 79-58.
Si Marcus Douthit adunay 21 puntos alang sa Blackwater nga nagbinugtong sa ilawom nga bahin sa standing sa ilang 2-7 win-loss record. (BANAT NEWS)