Rapid Chess Club Open Tourney banatan karon
CEBU, Philippines - Ang mga Sugbuanong tigduwa og ahedres makahigayon na sab pagyagyag sa ilang abilidad pinaagi sa Rapid Chess Club Open Tournament nga mosikad karong adlawa diha sa E-Mall Activity Center.
Ang maong duha ka adlaw nga torneyo magsubay og 7-round Swiss system format. Ang makampiyon mobulsa og P2,500 gikan ni Jolito Posas, samtang ang mopahiluna sa ikaduha ug ikatulong dapit modawat og P1,500 ug P500 nga gidonar ni Oscar Abangan.
Kadtong malandig gikan sa ikaupat hangtod sa ika-10 nga puwesto dunay consolation prize nga P150 matag usa.
Ang entry fee nagkantidad og P100. Ang mga nag-organisa modawat sab og on-site registration.
Sugdan ang mga duwa sa ala-1 sa hapon. Mopadagan niini mao si FIDE Arbiter Marvin Y. Ruelan. Alang sa dugang detalye mahimong motawag ni Ruelan sa 0926-7352951.
- Latest
