SSRYO, Lower Lomar kampiyon sa Lorega Sinulog Cup 2015
CEBU, Philippines – Mikampiyon na ang Snr. San Roque Youth Organization ug Lower Lomar sa tagsa-tagsa nila ka dibisyon sa Inter-Color Lorega Echavez Youth Council Sinulog Cup 2015 basketball tournament didto sa Brgy. Lorega gym, ning siyudad.
Ang SSRYO miharos sa San Antonio de Padua Youth Organization sa ilang ‘best-of-three’ finals series, 61-43 aron masakmit ang korona sa mini division, samtang ang Lower Lomar mi-sweep sab sa Lorega Echavez Youth Council, 102-96, aron makuha ang midget division title.
Si Carl Codilla maoy nangulo sa SSRYO sa iyang 24 puntos.
Ang SSRYO sayong mikontrolar sa duwa human sila mitukod og13 puntos nga labaw, 26-13, sa first period ug gikan didto wala na nila lingia pa ang SADPYO.
Sa ilang bahin, balanse nga opensa ang nahimong yawi sa kadaugan sa Lower Lomar dihang lima nila ka players ang mirehistro og double-figures sa pagpangulo nilang Asyong Tejas ug Joven Gemino nga adunay 23 ug 22 puntos matag usa.
Sila si Tirso Lambo ug Shaolin Biba parehong mitampo’g 19 puntos, samtang si John Baroma miamot og 11 puntos.
Sila si league organizers Ronald ug Reuel Robles miingon nga isunod nila ang Season 3 karong summer alang sa mga kabatan-onan sa barangay Lorega. (BANAT NEWS)
- Latest
