Fuentes away na ni Gonzales alang sa WBC Flyweight Title
CEBU, Philippines - Sa bisperas sa sangka ni Manny Pacquiao, suwayan ni ALA Boxing Gym standout Rocky ‘The Road Warrior’ Fuentes (35-7, 20KOs) nga mohatag og pasiunang kalipay sa mga Pinoy boxing fans pinaagi sa pagsakmit sa WBC flyweight title batok ni undefeated Nicaraguan champion Roman ‘Chocolatito’ Gonzales (40-0, 34KOs) karong adlawa didto sa Yokohama, Kanagawa, Japan.
Kini ang ikaduhang pagsuway ni Fuentes aron mahimong world champion human siya mapilde ngadto ni Thai Amnat Ruenroeng pinaagi sa “unanimous decision” sa ilang IBF title niadtong Enero 22.
Si Fuentes, 28-anyos, sayod nga mas inilog ang Nicaraguan champion nga modaog, apan kompiyansa siya nga makahimo og upset batok sa gikahadlokan nga si Gonzales.
“Kahibaw ko nga underdog ko pero nako’y salig sa Ginoo ug sa akong abilidad,” matud ni Fuentes, ang garbo sa barangay Mambaling, Cebu City. “Mas ganahan ko aning awaya kay si Gonzales mosukol gyud og sinukmagay dili pareha atong Thai nga magsige og dagan.”
Si ALA chief trainer Edito Villamor, kinsa mikuyog ni Fuentes didto sa Japan salig usab sa iyang boksidor nga modaog.
- Latest
