Adornado gustong magsilbi sa Phl team

MANILA, Philippines - Handa si William “Bogs” Adornado, kagaya ni da­ting national teammate at kapwa great player Ro­bert Jaworski, na magsilbi para sa national team.

Sapul sa kanyang retirement bilang pro player no­ong 1980s, sinabi ni Adornado na matagal na niyang nais maging mi­yembro ng coaching staff ng national team.

“Dyan ako unang nakilala (It was there where I first gained distinction), and it would really be great to be a part of it and have the opportunity to give something back to the sport that we all love,” sabi ni Adornado.

“I think I can help even as a skills or shooting coach,” dagdag pa ni Adornado, isa sa mga pure shooters na naglaro sa bansa.

Ikinatuwa ni Adornado, ang top gun ng Philippine team sa mga sinalihang international championships noong 1970s, ang pag-aalok ng tulong ng mga dating elite national players sa national team.

“You can’t go wrong with these people. They’ve been there, they know the atmosphere, and they know the competition. Look at China, Korea and even Iran, they’re tapping former national players,” wika ni Adornado.

“In our time, we had in our team Caloy Loyzaga as the assistant coach. How can you question his know­ledge of the game?. There were many others who played the same role in our time, and they’re really of big help,” dagdag pa nito.

Nilinaw ni Adornado na hindi siya nag-a-apply para maging miyembro ng national coaching staff.

“I’m not applying. What I’m saying is that we’re here and we’re available to help,” sabi nito.

Nauna nang sinabi ni Jaworski, ang coach ng Philippine team na nag-uwi ng silver medal noong 1990 Beijing Asian Games, na ikasisiya niya kung mapipili siya sa national coaching staff.

Ilan naman sa mga gus­tong irekomenda ni PBA commissioner Chito Salud bilang bagong coach ng Gilas kapalit ni Chot Reyes ay sina Norman Black, Tim Cone, Jong Uichico, Yeng Guiao at Tab Baldwin.