James, Kostas nagbida sa panalo ng Rockets
DALLAS – Tumipa si James Harden ng 17 points, habang nagsalpak si Kostas Papanikolaou ng tatlong krusyal na free throws sa huling 0.2 segundo para ihatid ang Houston sa 111-108 panalo kontra sa Dallas sa kanilang preseason opener.
Umiskor si Chandler Parsons ng 14 points laban sa kanyang dating koponan para sa Dallas debut niya.
Nakakuha ng foul si Papanikolaou sa 3-point line ni Jae Crowder at naikonekta ang tatlong free throws para sa 111-108 abante ng Rockets sa larong may kabuuang 81 fouls at 109 trips sa free throw line.
Nakuha ni Dwight Howard ang kanyang ikaanim na foul sa 6:29 minuto sa third quarter para sa Rockets na natawagan ng 45 fouls kumpara sa 36 ng Mavericks.
Hindi naglaro si Dallas star Dirk Nowitzki dahil sa isang right hip contusion.
Sa Miami, umiskor si rookie Devyn Marble ng walo sa kanyang 13 points sa overtime at tinalo ng Orlando Magic ang Miami Heat, 108-101.
Sa New York, nagposte si Brook Lopez ng 20 points sa kanyang pagbabalik mula sa injury-shortened season kasabay si Deron Williams na nagmula sa surgery para ihatid ang Brooklyn Nets sa 111-94 panalo kontra sa Maccabi Tel Aviv.
- Latest
