Tatapusin na ng Mixers
MANILA, Philippines - Muling pipilitin ng San Mig Coffee na masikwat ang finals berth, habang haÂngad naman ng Talk ‘N Text na makapuwersa ng Game Five.
Bitbit ang 2-1 bentahe sa kanilang best-of-five seÂmifinals series, susubukan ng Mixers na pitasin ang finals ticket sa pakikipagsagupa sa Tropang Texters sa Game Four ngayong alas-8 ng gabi sa 2014 PBA Governors’ Cup sa Smart Araneta Coliseum.
Pinigilan ng Talk ‘N Text ang pagwalis sa kanila ng San Mig Coffee matapos kunin ang 112-86 panalo sa Game Three noong Lunes at tsansang maitabla ang kanilang serye.
“The one thing we had going for us is that we played as a team offenÂsively,†sabi ni Texters’ head coach Norman Black. “The ball was really moving from hand-to-hand. Nobody was really holding it. Guys are realÂly looking to give the extra pass and get a better shot.â€
Sa kanilang panalo sa Game Three ay umiskor si Ranidel De Ocampo ng 24 points kasunod ang 14 ni Jayson Castro, 13 ni Danny Seigle, 12 ni import Paul Harris, 11 ni Jimmy Alapag at 10 ni Elmer Espiritu para sa balanseng opensiba ng Talk ‘N Text.
Nalimita naman si import Marqus Blakely sa 8 points at seven rebounds sa loob ng 27 minuto para sa San Mig Coffee.
Nauna nang sinikwat ng Mixers ang Game One via overtime, 92-88, at ang Game Two, 93-85, para maÂkalapit sa kanilang pang-apat na sunod na finals apÂpearance.
Pinamunuan ni PJ Simon ang San Mig Coffee ni mentor Tim Cone sa kanyang 18 markers kasunod ang 11 ni Joe Devance.
- Latest
