Parker lalaro sa Game 1 kahit may injury

SAN ANTONIO--Gusto ni Tony Parker na maglaro sa Game 1 ng NBA Finals sa kabila ng kanyang left ankle injury.

Sisimulan ng San Antonio Spurs ang kanilang rematch ng Miami Heat sa Huwebes.

“He’s getting better eve­ry day, and I expect him to play,” sabi ni coach Gregg Popovich kay Parker.

Lumubha ang injury ni Parker noong Sabado kung saan hindi siya naka­laro sa second half sa ta­gumpay ng San Antonio sa Oklahoma City sa Wes­tern Conference Finals.

Hindi nakipag-ensayo si Parker noong Martes ngunit inaasahang magbabalik sa Miyerkules.

Nagposte si Parker ng mga averages na team-lea­ding 17.2 points at 4.9 assists sa postseason subalit naapektuhan ng kanyang mga injuries sa nakaraang dalawang playoff rounds.

“I always try to be ho­nest with Pop,” pahayag ni Parker. “He knows, but if I’m 50 percent I’ll try to play. If I’m under 50 percent, we can argue.”