Oklahoma magpipilit makaiskor sa San Antonio sa kanilang serye

OKLAHOIMA CITY --  Ang dalawa pang panalo ng dominanteng San Antonio Spurs sa kanilang Wes­tern Conference finals se­ries ang tuluyan nang ta­tapos kay Kevin Durant at sa Thunder.

Magbabalik ang Thunder sa kanilang tahanan ma­tapos malasap ang 0-2 pagkakabaon sa kanilang championship series ng Spurs.

Nagmula ang Oklahoma City sa isang 35-point loss sa San Antonio sa Game 2.

Iniwanan din ng Spurs ang Thunder sa 2-0 noong 2012 Western Conference finals bago nila inangkin ang sumunod na apat na la­ro para umabante sa NBA Finals.

‘’We’ve been there before,’’ sabi ni Durant matapos umiskor ng 15 points sa kanilang 77-112 kabigu­an sa Game 2.

“You know, we try not to just say since we were down 0-2 two years ago and we end up winning, we’ll do the same thing. We’ve really got to figure it out on how we need to get bet­ter, and we’ve always done that. We’ve got to just stick together and believe in each other that we can come out and try to get Game 3 on Sunday,” dagdag pa ng NBA MVP.

Noong 2012 ay nata­lo ang Thunder sa unang da­lawang laro nila sa San An­tonio bago nila balikan ang Spurs at tapusin ang ka­nilang serye sa 4-2.

Ngunit ngayon ay ti­nambakan ng San Antonio ang Oklahoma City ng pi­nagsamang 52 points.

Dalawang taon na ang na­kararaan ay kumakama­da para sa Thunder sina James Harden at Serge Iba­ka, ang dalawang player na maaaring magpanalo sa koponan kapag minamalas sina Durant at Westbrook.

Subalit lumipat na si Har­den sa Houston Roc­kets, habang may injury na­man si Ibaka.