Lady Tamaraws sinuwag ang Altas
MANILA, Philippines - Nakabangon agad ang FEU Lady Tamaraws mula sa straight sets pagkatalo sa nagdedepensang National University matapos kalusin ang Perpetual Help Lady Altas, 23-25, 25-18, 25-18, 25-21, kagabi sa Shakey’s V-League Season 11 First Conference sa The Arena sa San Juan City.
Nagising ang Lady Tamaraws matapos makahulagpos ang first set nang nag-focus pa sa sumunod na tatlong sets para mailista ang ikalawang panalo matapos ang apat na laro sa ligang inorganisa ng Sports Vision katuwang ang Shakey’s.
Tinabunan ni Bernadette Pons ang pitong puntos lamang sa huling laro sa kinamadang 12 kills at tig-dalawang blocks at services aces para kumapit pa ang FEU sa ikatlong puwesto.
Ikatlong sunod na pagkatalo ito ng Lady Altas sa Group B para malagay sa hukay ang isang paa sa kompetisyong may ayuda pa ng Accel, Mikasa at Lion Tiger Mosquito Coil.
Kailangan ngayon ng NCAA champion Perpetual Help na maipanalo ang huling dalawang laro laban sa Davao Lady Agilas at UST Lady Tigresses para magkaÂroon ng tsansang mapasama sa apat na koponan na uusad sa quarterfinals.
Ang UST na may 1-1 baraha ay nakikipagtagisan sa San Sebastian Lady Stags sa tampok na laro kagabi.
Magpapahinga ang liga upang gunitain ang Semana Santa at magbabalik-laro sa Linggo (Abril 20) na katatampukan ng pagtutuos ng FEU at Davao at St. Benilde Lady Blazers at Ateneo Lady Eagles.
- Latest
