Pacquiao pamumunuan ang Elorde Memorial Awards sa Marso 25

MANILA, Philippines - Babanderahan ni Hall of Famer Manny Pacquiao at ang apat na world boxing cham­pions ang hanay ng mga international at Philippine champions sa 14th Gabriel “Flash” Elorde Memorial Awards.

Nakatakda ang naturang event bilang paggunita kay ‘The Flash’ sa Marso 25 sa Harbour Garden Tent ng Sofitel Hotel.

Magsasama sa entablado sina WBO light flyweight champion Donnie Nietes, In­ternational Boxing Federation light fly­weight title holder Johnriel Casimero, WBO minimumweight titlist Merlito Sabillo at ang nagbabalik na si Nonito Donaire pa­ra tanggapin ang kanilang awards bilang bo­xers of the year sa annual awards.

Si Elorde ay ang unang Filipino na ini­luk­lok sa International Boxing Hall of Fame.

Ito ay dahil sa kanyang malinis na re­cord bilang world junior lightweight champion mula 1960 hanggang 1967.

Noong 2013 ay binigo ni Nietes ang da­­lawang Mexicans para mapanatili ang su­ot na WBO light flyweight title na kanyang inagaw kay Ramon Garcia Hirales ng Mexico noong Oktubre 18, 2011.