Heat mas init pa sa Suns

CEBU, Philippines - Nakarekober dayon si LeBron James gikan sa usa sa labing bati niyang duwa karon nga season ug ning higayona iyang gibaswat ang Miami Heat

ngadto sa 103-97 nga kadaugan batok sa host Phoenix Suns kagahapon didto sa US Airways Center sa Phoenix, Arizona.

 Si James, kinsa mitabla sa iyang season-low nga 13 puntos atol sa  ilang pagkasugamak batok sa Utah Jazz, mipahungaw og 37

puntos nga maoy pabilo sa kadaugan sa Heat.

 Ang sentro nga si Chris Bosh miduslit  og 21 puntos, samtang si Mario Chalmers mipahungaw og 13 puntos. Wala na sab

makaduwa si Dwyane Wade tungod sa migraine.

 Si Gerald Green, kinsa mitikdol og 21 sa iyang 26 puntos sa second half, maoy nangulo sa misawop nga Suns, samtang   silang

Goran Dragic ug Channing Frye miabuno'g 15 puntos matag usa.

 Kini ang ikawalong sunod-sunod nga pilde sa Suns sa ilang sangka batok sa Heat.

 Si Green miiskor sa tanang puntos sa 8-1 nga rally sa Phoenix lakip ang duha ka three-pointers aron tablahon ang duwa sa 63-all

sa nahabiling 4:42 ang oras sa third period.

 Nailog pagbalik sa Miami ang labaw human sa triple ni Norris Cole, 83-80 sa 7:21 ang oras sa fourth period ug  nainat  kini

ngadto sa  92-87 human sa split charities ni James.

 Misikit pag-usab ang Suns human makapasulod og upat ka free throws, 89-92. Katapusang higayon nga naglabaw ang Suns sa

iskor nga 74-71 pagsugod sa fourth  period  sa basket ni  Markieff Morris.

 Sa laing mga duwa, ang Western Conference leader Oklahoma City Thunder  naka-eskapo batok sa Portland TrailBlazers, 98-95,

ang Charlotte Bobcats milubong pag-ayo sa Dallas Mavericks, 114-89. Midaog ang Cleveland Cavaliers batok sa Sacramento Kings, 109-

99, gidaro sa Chicago Bulls ang Atlanta Hawks, 100-85, ang Memphis Grizzlies  mitiklo sa  Washington Wizards, 92-89 ug ang Utah Jazz

milubong sa Los  Angeles Lakers sa iskor nga 96-79. (BANAT NEWS)