Aksyon sa CVIRAA sugdan

CEBU, Philippines - Sugdan na ang pagpili sa mga morepresentar sa Region VII sa 2014 Palarong Pambansa sa pagsugod sa aksyon sa Central Visayas Regional Athletic Association (CVIRAA) Meet karong adlawa diha sa Cebu City Sports Center.

Ang Cebu City Niños maoy midominar sa maong multi-sport event sud na sa 23 ka tuig og sila gihapon ang gipaabot nga manghawud karong tuiga.

Ang CVIRAA musunod gihapon sa point-system aron makita kun kinsa ang over-all champion bisan pa  og Olympic-style medal count ang gamiton sa Palarong Pambansa.

 "During our meeting in Cagayan de Oro, it was announced that the Olympic-style of medal count will be used in the Palaro. However, for the regional meet, we have decided to stick with the points system we have been using for several years now to give all competing delegations a good chance to be on top," matud pa ni DepEd-7 Physical Education and School Sports (PESS)-7 chief Vivian Ginete.

Hinuon bisan pa og unsa ang gamiton nga sistema, si Cebu City sports coordinator Zenaida Gocotano masaligon gihapon nga dili mapalagpot sa trono ang host team Cebu City.

"I'm confident that we will remain as the champion. For the past 23 years, it had always been us. I cannot, however, promise of breaking our medal output last year," matud pa ni Gocotano.

Gawas sa Cebu City, laing divisions nga mopadala og mga atleta sa elementary ug sekondarya naglakip sa Mandaue, Cebu Province, Bohol, Tagbilaran, Bogo, Danao, Toledo, Lapu-Lapu, Talisay, Toledo, Carcar, Naga, Bais, Bayawan, Dumaguete, Guihulngan, Negros Oriental, Siquijor, ug Tanjay.

Mga sports discipline nga tigian naglakip sa wushu, wrestling, billiards, futsal, baseball, tennis, volleyball, basketball, sipa, taekwondo, sepak takraw, softball, boxing, table tennis, chess, swimming ug athletics.

Ang mga top performers sa  lima ka adlaw nga torneyo maoy ipadala ngadto sa Laguna aron morepresentar sa rehiyon sa Palarong Pambasa. (BANAT NEWS)