UC all-Nigerian squad midaog sa Don Bosco Football League

CEBU, Philippines -  Ang all-Nigerian squad sa University of Cebu (UC) milansang og 2-1 nga kadaugan batok sa San Roque Rehab aron magsolo uban ang 2-0 nga baraha sa men's division sa 2014 Don Bosco Football League (DBFL) didto sa Don Bosco Technology Center  field sa Brgy. Punta Princesa, ning siyudad.

 Apan ang regular varsity players sa UC pakyas pagkulit  og daog human miyukbo ngadto sa Don Bosco United FC, 1-0.

 Laing duha ka  mga duwa  nga gitakda niadtong Huwebes mitapos sa "stalemate." Ang CVIRAA-bound DBTC booters miabli sa ilang kampanya pinaagi sa 1-1 draw uban sa Leylam, samtang ang ERCO   nagtabla sab, 2-2 uban sa bag-ong naporma nga Tiktak.

 Ang  Leylam ug ERCO kasamtangang nagsawo sa ikaduhang dapit nga adunay usa ka daog ug usa sab ka "draw" samtang ang DBUFC ug UC Webmasters nagtabla sab nga adunay managsamang 1-1 win-loss records. (BANAT NEWS)