San Roque Rehab gisugat og makabungog nga kadaugan sa 16th Aboitiz Football Cup

CEBU, Philippines -  Gisugdan sa San Roque Rehab ang ilang kampanya alang sa korona pinaagi sa paglubong sa Magone, 5-1 sa premiere men's open division sa 16th Aboitiz Football Cup niadtong Domingo didto sa Aboitiz Sports Field sa barangay Subangdaku, dakbayan sa Mandaue.

 Gumikan niini, ang  San Roque nakigsawo sa liderato sa group A uban sa Avengers, kinsa mipilde sab sa Cebu Amateur Football Club (CAFC), 1-0.

 Sa under-23 category, ang University of the Visayas (UV) nidaog pinaagi sa "default" batok sa Continental AFS, samtang ang Don Bosco Technology Center (DBTC) miiskor og 3-0 nga kadaugan batok sa University of San Carlos (USC).

 Sa 38-above division, ang JEH United midemolis sa Hipodromo FC, 6-0, samtang ang Hiroshi ug KN Ferraren nagtabla, 1-all. (BANAT NEWS)