Yaw-Yan fighters moataki sa Estados Unidos
CEBU, Philippines - Ang Yaw-Yan ArDigma Martial Arts Federation Inc. mopadala sa ilang duha ka elite Mixed Martial Arts (MMA) fighters ngadto sa Estados Unidos.
Sila si Yaw-Yan Fighting Challenge Championship (YFCC) junior lightweight champion Renan 'Limbas' Noblefranca ug undefeated Jordan 'Labuyo' Balcita naghina-hinam na karon nga motaak sa Estados Unidos diin nagpaabot kanila ang mga dagkung langyaw nilang kaatbang.
Gipangulohan ni Yaw-Yan Cebu ArDigma Founder and CEO Master Benigno 'Ekin' R. Caniga Jr. ug anak niini nga si Johnlery Caniga, kinsa usa usab ka international MMA champion, ang Yaw-Yan ArDigma Cebu Top Team mobiya paingon sa US karong Nobiyembre 5 ug sugdan nila ang ilang kampanya didto sa Sacramento, California.
"This will be the first time that Cebuano fighters will join an MMA tournament in the US and hopefully we will have a good result in the series of tournaments that we will be joining in," matud pa ni Master Ekin.
"We are proud to represent the country. I know that it will not be an easy competing against the big guys, but I have faith in them (Noblefranca and Balcita)," dugang pa niya.
Sa katapusan niyang away, si Noblefranca yanong midispatsar ni Marjun 'Muma Warrior' Porriento sa unang hugna aron madepensahan ang iyang YFCC belt niadtong Agosto didto sa Cebu Coliseum.
Sa iyang bahin, ang taga-La Union nga si Balcita, kinsa mapasalamaton sa kahigayonan nga moaway sa Estados Unidos midaog usab sa second round batok ni Universal Reality Combat Championship (URCC) veteran Johnjier 'Dangerous' Torbiso sa Durex Dragon sa ilang sangka niadtong Mayo didto sa San Remigio. (BANAT NEWS)
- Latest
